बंगला एअरलाइन्स विमान दुर्घटनाय् ४९ म्ह मन्त
लहनान्युज चिल्लागा एकादशी ११३८ (मार्च १३ २०१८)
युएस बंगला एअरलाइन्स विमान म्हिगः जुगु दुर्घटनाय् लानाः अकालय् ४९ म्हेस्यां ज्यान गुमे यायमाःगु दु । उगु दुर्घटनाय नेपाःया १९ म्ह नेपाःमि मध्यय् एमबीबीएस ब्वना च्वंपि १३ म्ह मदगु दु ।
उगु दुर्घटनाय् लाना मदुपि एन्जिला श्रेष्ठ, एल्जिना बराल, आश्ना शाक्य, स्वेता थापा, नीगा महर्जन, सन्जया महर्जन, चारु बराल, प्रिन्सी धाम, समीरा ब्यञ्जनकार, सरुणा श्रेष्ठ, मीली महर्जन, सन्जय पौडेलपिं मदगु खः ।
उगु विमानय् च्वनावःपिं चालक दलया प्यम्ह दुजः नाप ७१ म्ह यात्रु च्वनावःगु खः । गुकीइ ३३ म्ह यात्रु नेपाःमि नागरिक च्वनावःगु खः ।
३३ म्ह नेपाःमि यात्रुमध्ये २८ म्ह मिसा व मचात दूगु खःसा १९ म्ह एमबीबीएसया विद्यार्थी्पिं च्वनावःगु खः ।
उगु विमानपाखें ११ म्हेसिगु सकुशल उद्दार याःगु खःसा आः २२ म्ह थीथी अस्पतालय् वासः याकाच्वंगु दु ।
