२०८० चैत्र १६, शुक्रबार

बन्दया झ्वलय् राजेन्द्र श्रेष्ठयात ज्वनायंकल

लहनान्यूज | चिल्लाथ्व त्रयोदशी ११३७ (मार्च १० २०१७)

संघीय गठबन्धनं आव्हान याःगु नेपाल बन्दया झ्वलय् संघीय समाजवादि फोरम नेपालया ल्यू नायः राजेन्द्र श्रेष्ठयात प्रहरीं ज्वनायंकूगु दु ।
 
जुलुसया नेतृत्व यासें न्ह्याःवंम्ह श्रेष्ठयात प्रहरीं रत्नपार्कं ज्वनायंकूगु खः । रत्नपार्कं प्रहरीया घेरा तोडे यानाः जुलुस न्ह्याःवनेत स्वःबलय् प्रहरीं श्रेष्ठयात ज्वनायंकूगु खः ।
 
ल्याय्‌म्ह न्ह्यलुवा सानुराजा शाक्ययात नं रत्नपार्कं हे ज्वनायंकूगु दु । अथे हे आदिवासी जनजाति महासंघया नायः प्रेमबहादुर खातियात नं ज्वनायंकूगु दु ।
 
 
बन्दया झ्वलय् थीथी थासं प्रहरीं सच्छिम्ह मल्याक ज्वनेधुंकूगु धाःगु दु । थ्व हे झ्वलय् ससफो नेपालया येँ जिल्ला समितिया दुजःपिं, यल जिल्ला समितिया न्वकू हेमराज राईयात ज्वना यंकेधुंकूगु दु ।
 
अथे हे यलया सातदोबाटो, बल्खु, महाराजगंज लिसें थीथी थासं नं बन्दया प्रचार यानाजूपिन्त ज्वनायंकूगु दु । आदिवासी जनजाति पार्टिपाखें प्रदर्शन यानावःपिन्त नं बल्खुं ज्वनायंकूगु धाःगु दु ।
 
लहनान्यूजलिसे खँ ल्हासें फोरमया ल्यू नायः श्रेष्ठं थःपिनिगु माग पूमवंतल्ले लिमचिलेगु धयादीगु दु । वय्‌कलं आः मुँज्या च्वनेधुृंकाः आन्दोलनया न्हूगु ज्याझ्वःत क्वःछीगु जानकारी बियादिल ।
 
Categorized in राजनीति