बार्सिलोनाया प्रशिक्षक सेटिएन बर्खास्त
लहनान्युज | गुंलागा १३ ११४०,भाद्र १ सोमवाः
स्पानियस जायन्ट बार्सिलोनाया प्रशिक्षक के सेटिएनयात बर्खास्त याःगु दु । जनवरी जक एर्नेस्टो भेलभेर्डेयात बर्खास्त यासे सेटिएनयात प्रशिक्षक दयकूगु खः । तर प्रशिक्षक सेटिएनं स्पानि ला लिगा व च्याम्पियन्स लिग बिगुलि हे त्याके मफुगुलि बर्खास्त याःगु खः ।
च्याम्पियन्स लिग क्वाटरफाइनलय् जर्मन क्लब बायर्न म्युनिख नाप ८–२ गोल अन्तर लज्जास्पद नक्सा बूगुलि सेटिएनया पद धरापय् लाःगु खः ।
बार्सिलोनाया प्रशिक्षक वफसेफ मारिया बार्तामेउं सेटिएन पिहा वःगु धका टेम्पो डि जुएगायात छगु खँल्हाबल्हाय् धाःगु खः ।
थुकिया बारे क्लबं आधिकारिक रुपं न्ववाःगु मदुनि ।
आः सेटिएनया थासय् नेदरल्याण्ड्सया प्रशिक्षक रोनाल्ड कोएमन, टोटनहमया पूर्व प्रशिक्षक माउरिसियो पोचेटिनो व अल शादया मध्ये छम्ह प्रशिक्षक जूइगु चर्चा जुया वया च्वंगु दु ।
कोएमन बार्सिलोनाया पूर्व कासामि न खः ।
