भारतय् २४ घण्टाय् ९६ हजार कोरोना संक्रमण
मिलन | अनलाथ्व २ ११४०, असोज ३ सनिवाः
भारतय् वःगु २४ घण्टाय् ९६ हजार ४२४म्ह कोरोना संक्रमित पिहावःगु दु । भारतय् कोरोना संक्रमितपि आःतक ५२ लाख १४ हजार ६७७म्ह थ्यःगु दु धका विश्व स्वास्थ्य संगठनया तथ्यांकय् उल्लेख याःगु दु ।
तथ्यांक कथं ८४ हजार ३७२म्ह सी धुकुगु दु । वःगु २४ घण्टाय् जक भारतय् १ हजार १७४म्ह कोरोना संक्रमितपि सी धुकुगु दु धका विश्व स्वास्थ्य संगठनयो तथ्यांकय्
उल्लेख याःगु दु ।
भारतय् विश्वया हे दकलय् अप्वो कोरोना संक्रमितपि जूगु धलखय् अमेरिका धुका निगु थासय् दु ।
भारतय् न्हि ९७ हजार तक कोरोना संक्रमितपि पिहावया च्वंगु दु ।
Categorized in अन्तर्राष्ट्रिय
