भारतीय पूर्वराष्ट्रपति मुखर्जीया स्वास्थ्य समस्या वया च्वन
लहनान्युज | ञंलाथ्व १३ ११४०,भाद्र १५ सोमवाः
भारतया पूर्वराष्ट्रपति प्रणव मुखर्जीया स्वास्थ्य अवस्था झन् स्यना वना च्वंगु दु । वयात दिल्लीया सेनायाःगु अस्पतालय् भर्ना याना तःगु दु ।
अस्पतालं स्वंय् संक्रमणया कारण वयाःगु ‘सेप्टिक सक’ जुगु दु धका धाःगु दु । आर्मी रिसर्च एन्ड रेफरल हस्पिटलं जारी याःगु बयानय् छु दिंन्ह्य निसे प्रणव मुखर्जीया स्वास्थ्यय् समस्या वयाच्वंगुलि स्वंय् इन्फेक्सनया कारण ‘सेप्टिक सक’ जूगु दु धका धाःगु खः ।
अस्पतालं डाक्टरपिनिगु विशेष टोलीं वयागु वासः याना वयाच्वंगु खः । पूर्वराष्ट्रपति मुखर्जी आः कोमाय् भेन्टिलेटर ग्वाहालिं वासः याना वयाच्वंगु दु ।
अस्पतालय् वासः यायेगु झ्वलय् वयात कोरोना भाइरसया संक्रमण खनेदुगु खः ।
Categorized in अन्तर्राष्ट्रिय
