भिल्लारियलं क्लब इतिहासय् न्हापांखुसी युरोपा लिगया उपाधि त्याकल
कछलागा पारु ११४१,जेष्ठ १३ बिहीवाः
स्पेनिस टोली भिल्लारियलं क्लब इतिहासय् न्हापांखुसी युरोपा लिगया उपाधि त्याकूगु दु ।
९४दँया इतिहासय् न्हापांखुसी सडन डेथय् म्यानचेस्टर युनाइटेडयात ११–१० बुका भिल्लारियल क्लब उपाधि त्याकेत ताःलाःगु खः । क्वछिनातःगु ९०गू मिनेटया कासाय् १–१गू गोलया ज्वलिंज्व क्वचाय्धुंकाः तँसा ईलय् नं गोल मजुइवं टाइब्रेकरय् थ्यंगु खः । टाइब्रेकरय् निगुलीं टोलीं न्हापां १०–१० गोल यायेधुंकाः गोलरक्षकपिन्सं सडन डेथय् थ्वाय्माःगु खः ।
११गू प्रहारय् भिल्लारियलया जेरमिनो रुल्लीं गोल याना युनाइटेडया डेविड डे हेयाया प्रहार पनेवं भिल्लारियल च्याम्पियन जूगु खः ।
थ्वयांन्ह्यः कासाया २९गू मिनेटय् भिल्लारियलं जेरार्ड मोरेनोया गोलं न्ह्यने लाःगु खः । ड्यानी परेहोया फ्रिकिकयात मोरेनों छय्यला गोलरक्षक डेविड डे हेयायात छखे लाकाः गोल याःगु खः । युनाइटेडं निगूगु हाफया ५५गू मिनेटय् ज्वलिंज्वः यात ।
एडिन्सन काभानीं कर्नरया रिबाउन्डय् क्लियर याये मपूmसें उगु बल गोलय् परिणत जूगु खः । क्वछिनातःगु ९०गू मिनेटय् कासा १–१ गोलया ज्वलिंज्वलय् क्वचाय्वं तँसा ईपाखे वंगु खः । निगूलीं टोलीं ३०गू मिनेटया अतिरिक्त ईलय् नं गोल यायेमफुसें कासाया निर्णय पेनाल्टी सुटआउटपाखें जूगु खः ।
