२०७८ मङ्सिर २२, बुधबार

मनाङ मस्या्र्ङ्दी व ब्रिगेड ब्वाइजया विजयी सुरुवात

कछलागा तृतीया ११४२, मंसीर ६ सोमवाः

सहिद स्मारक ‘ए’ डिभिजन लिग फुटबलया म्हिगः थःथःगु कासा त्याकाः मनाङ मसर््याङ्दी क्लब व ब्रिगेड ब्वाइजं विजयी सुरुवात याःगु दु ।

उपाधि दावेदार मनाङं जावलाखेल युथ क्लबयात १–० गोलं बुकूबलय् ब्रिगेड ब्वाइज क्लबं सशस्त्र प्रहरीया एपीएफ फुटबल क्लबयात ३–२ गोलं बुकाबिल ।

सहिद स्मारक ‘ए’ डिभिजन लिग फुटबलय् थौं निगू विभागिय टोलीत त्रिभुवन आर्मी क्लब व नेपाल पुलिस क्लब म्हितेत्यंगु दु । थ्व कासा दशरथ रंगशालाय् न्हिनसिया १ताः इलय् न्ह्याइ ।

थौं हे जःछि पाः ५ताः इलय् न्ह्याइगु कासाय् मच्छिन्द्र क्लब व न्युरोड टिम एनआरटी चुलिंचू लाइ । साविक त्याकामि मच्छिन्द्र क्लबया न्हापांगु कासाय् थःगु हे जःलाखला एनआरटीं टक्कर बीत्यंगु खः ।

Categorized in कासा