मातृभाषा पत्रकारिता दिवस तःजिक हन
नृपेन्द्रलाल श्रेष्ठ | बछलाथ्व त्रयोदशी ११३९ (मे १७ २०१९)
नेवाः पत्रकार राष्ट्रिय दबू व मां भाय् पुचःया मंकाः ग्वसालय् थौं प्यक्वःगु मातृभाषा दिवस हःगु दु ।
थौं यलया पूच्वःय् धर्मादित्यया झ्वाताः न्ह्यने झ्वाताय् स्वां देछाना उगु ज्याझ्वः न्ह्याःगु खः झ्वाताय् न्ह्यने छगु औपचारीक ज्याझ्वः न जुगु खः । उगु ज्याझ्वलय् मूपाँहा कथं यल महानगरपालिकाया मेयर चिरिबाबु महर्जन मूपाँहा जुया झायादगिु खः ।
अथेहे उगु ज्याझ्वलय् मांभाय् पुचःया नायः हेरारत्न शाक्य, नेपाल पत्रकार महासंघया उपाध्यक्ष दिलिप थापामगर, आदिवासी जनजाति पत्रकार महासंघया नायः डण्ड गुरूङ, मधेसी पत्रकार समाजया नायः मोहन सिँह, धर्मा्दित्य धर्माचार्यया भौ मयजु बेखालक्ष्मी नेवाः पाहाँकथं झायादीगु खः ।
दबूया नायः श्रीकृष्ण महर्जनया सभाधक्ष्यताय् जूगु उगु ज्याझ्वलय् लसकुस न्वकू सुरजवीर बज्राचार्यं व सुभाय् न्वचु दबूया यल कचाया छ्याञ्जे राजेश बज्राचार्यं देछानादीगु खः । उगु ज्याझ्वः दबुया महासचिव सुनिल महर्जन न्ह्याकादीगु खः ।
पत्रकार दबू न धर्मादित्य धर्माचार्ययात नेपाःया हे न्हापाम्ह मातृभाषा पत्रकार खः धाःसे थीथी ज्याझ्वः याना न वया च्वंगु खः ।
