२०८० चैत्र १६, शुक्रबार

मिडिया काउन्सिल विद्येयक प्रेस स्वतन्त्रता विरोधी : नेता गगन थापा

लहनान्युज | ने.सं. ११३९ बछलाथ्व १३ (१६ मे, २०१९), विहिवाः

नेपाली कांग्रेसका नेता गगन कुमार थापां मिडिया काउन्सिल विद्येयक प्रेस स्वतन्त्रता विरोधी जूगु धयादीगु दु ।
 
 
 
नेपाली कांग्रेसया राष्ट्रिय जागरण अभियान अन्तर्गत पार्टीं जाजरकोट क्षेत्र नं. २, क्षेत्रीय कार्य समितिं थलहबजारय् ग्वसाः ग्वःगु आमसभायात सम्बोधन यानादिसें नेता थापां उगु खँ धयादीगु खः । वय्कलं लोकतान्त्रिक ब्यवस्थामा प्रेस स्वतन्त्रता विरोधी विद्येयक हयेगु निरंकुश व अलोकतान्त्रिक ज्या जूगु तकं धयादिल । प्रेस स्वतन्त्रता विरोधी उगु विधेयक सञ्चार ख्यः जक मखु, आम नेपाःमि हे दनेमाःगु थापाया धापू खः ।
 
 
पुलांम्ह मन्त्री तक. जुयादीम्ह नेता थापां निगू तिहाईया सरकारं नागरिकया अधिकार लाका यंकाच्वंगु तकं द्वपं बियादिल । वर्तमान सरकारं अदालत, मानव अधिकार आयोग, अख्तियार, सञ्चारलिसेंया ख्यःयात तकं नियन्त्रणय् तयेगु ज्या यानाच्वंगु वय्कःया द्वपं खः । थापां धयादिल, “गणतान्त्रिक व्यवस्थाय् जनतां नागरिक अधिकारया उपभोग याये दयेमाः, अथे हे पत्रकारं मखुगु व बांमलाःगु ज्याया विरोधय् च्वये व न्ववाये दयेमाः ।”
Categorized in राजनीति