मिसा कलाकारपिन्सं नं फुटसल म्हितीगु
लहनान्यूज | तछलाथ्व षष्ठी ११३७ (मे ३१ २०१७)
नेवाः कलाकार मैत्रीपूर्ण फुटसल कासाय् मिसा कलाकारपिनिगु प्यंगू पुचलं म्हितीगु जूगु दु ।
सुखावति मल्टि प्रोडक्सनया ग्वसालय् जुइत्यंगु नेवाः कलाकार मैत्रीपूर्ण फुटसल कासाय् मुक्कं ३२म्ह मिसा कासामिपिन्सं म्हितेत्यंगु दु । ३२म्ह मिसा कासामिपिनि दथुइ च्याम्हेसिया छगू टिम यानाः मुक्कं प्यंगू टिम दयेकूगु दु ।
प्यंगू टिम दुने टिम एया कप्तानी पल्पसा डंगोल, टिम बी आशिष्मा नकःमि, टिम सी भिन्तुना जोशी व टिम डिया कप्तानी हिसिला महर्जनं यायेत्यंगु दु ।
मिसा कासामि दुने रजनी खड्गी, मंजु श्रेष्ठ, आराध्यलक्ष्मी खड्गी, सुनिता ठाकुर लिसेंया कलाकारपिन्सं नं म्हितेत्यंगु दु ।
कासा थ्व हे वइगु तछलाथ्व नवमि (ज्येष्ठ २०) कुन्हु येँया कुमारी फुटसल, पकनाज्वलय् जुइत्यंगु दु ।
Categorized in कासा
