२०७९ आषाढ १४, मंगलबार

मेस्सीयात न्हय्क्वःगु खुसी ‘बालोन डी ओर’ अवार्ड

कछलागा एकादशी ११४२, मंसीर १४ मंगलवाः

फ्रेन्च क्लब पेरिस सेन्ट जर्मेन (पीएसजी) या अर्जेन्टाइनी कासामि लियोनल मेस्सीं किर्तीमानी न्हय्क्वःगु खुसी बालोन डी ओर अवार्ड त्याकूगु दु ।

फ्रेन्च फुटबल पत्रिकां वंगु चान्हय् वंगु चान्हय् छगू विशेष समारोहया दथुइ मेस्सीयात बालोन डी ओर अवार्ड ब्यूगु खः । थ्वयां न्ह्यः मेस्सीं सन् २००९, २०१०, २०११, २०१२, २०१५ व २०१९य् थुगु अवार्ड त्याकूगु खः ।

मेस्सीं जर्मन क्लब बायर्न म्युनिखय् पोलीस कासामि रोबर्ट लेवान्डोस्की व इंग्लीश क्लब चेल्सीया इटालीयन कासामि जर्गिन्होयात ल्यूने लाकाः अवार्ड त्याकूगु खः । मेस्सी बालोन डी ओर त्याकूम्ह फ्रेन्च क्लब पीएसजीया न्हापांम्ह कासामि नं जूगु दु ।

मेस्सीं वंगु सिजन थःगु कप्तानीइ अर्जेन्टिनायात कोपा अमेरिकाया उपाधि ब्यूगु खः । मिसापाखेया अवार्ड बार्सिलोनाया अलेक्सिया पुटेलासं त्याकल ।

अथे हे, लेवान्डोस्की ‘स्ट्राइकर अफ दि इयर’ या उपाधि ल्हातय् लाकूबलय् बार्सिलोनाया स्पेनिस मिडफिल्डर पेड्री ल्याय्म्ह उत्कृष्ट कासामि जुइत ताःलात ।

इटालीया गोलकिपर जियानलुगी डोनारुम्मां यासिन ट्रफी ल्हातय् लाकल । क्लब अफ दि इयरया अवार्ड चेल्सीं त्याकूगु दु ।

Categorized in कासा