वंगु चान्हय् म्याग्दीया घात्पाय् बोलेरो जिप दुर्घटना जुयाः ४म्ह मनूत मन्त ।

सदरमुकाम बेनीं रघुगंगा गाउँपालिका वनाच्वंगु जिप दुर्घटना जूगु खः । दुर्घटनाय् लानाः सीपिं मध्ये रघुगंगा गाउँपालिकाया ४०दँया चालक दूधबहादुर थापा, ३०दँया गौमाया विक, ३०दँ हे दुम्ह खिम पुन व ५०दँया खिमनाथ शर्मा खः ।

चालक थापानाप मेम्ह छम्हेसित बेनी अस्पतालय् वासः याकेत हयाःच्वंगु अवस्थाय् लँपुइ हे सीगु खः । अथेहे, निम्ह घटनास्थलय् सीगु जिल्ला प्रहरी ज्याकू म्याग्दीं धागु दु । जिपय् दुपिं मेपिं प्यम्ह तच्वः ।

इमित वासः याकेत पोखरास्थित मणिपाल अस्पतालय् हःगु दु । जिप सडकं थ्यंमथ्यं निसः मिटर क्वये कुतुवंगु खः । दुर्घटनाया कारण सीमदुनीगु प्रहरीं धागु दु ।

Categorized in अपराध