यलय् नगर तथ्याङ्क संकलन यायेगु अन्तक्र्रिया
नृपेन्द्रलाल श्रेष्ठ | चौलागा द्धादशी ११३९ (मे १ २०१९)
नगर तथ्याङ्क संकलन सम्बन्धय् यल महानगरपालिका व ख्वपया चाँगुनारायण नगरपालिका दथुइ छगु अन्तक्र्रिया जुगु दु । यल महानगरपालिकाया ग्वसालय् चाँगुनारायण नगरपालिकाया सहकार्यय् उगु अन्तक्र्रियाय् ख्वपया चाँगुनारायण नगरपालिकां नगर तथ्याङ्क संकलन सम्बन्धय् थःगु अनुभव न्ह्यब्बःगु खः ।
चाँगुनारायण नगरपालिकाया सूचना तथा प्रविधि अधिकृत सिद्धार्थ न्यौपानें नगर तथ्याङ्क संकलन सम्बन्धय् नगरपालिका याःगु गतिविधि, लागत विवरण, तथ्याँङ्क व्यवस्थापन लगायतया विषयया प्रस्तुतीकरण याःगु खः । उगु प्रस्तुतीकरणय् तथ्याँङ्क संकलन प्रकृया, तथ्याँङ्क संकलकया व्यवस्थापन, वडा कार्यालयया तथ्याँङ्कया अपडेट गुकथं यायेगु ? तथ्याँङ्कया व्यवस्थापनया तथ्याँङ्क गुकथं छ्यलिगु धइगु विषय खय् प्रस्तुतीकरण याःग खः।
यल महानगरपालिकाया मेयर चिरीबाबु महर्जनं देय् कान्छो नगरपालिका चाँगुनारायण व १०० वर्ष थ्यःगु यल महानगरपालिका दथुइ नगर तथ्याङ्क संकलन सम्बन्धि अन्तक्र्रिया याये दुगु लसता प्वकादीगु खः । मेयर महर्जनं थुुगु दँ निसे वार्षिक बजेटय् हे उल्लेख याना वडाया प्रोफाइल तयार यायेगु नाप तथ्याँङ्क संकलन यायेगु ज्या यायेगु लागि निश्चित बजेट व्यवस्थापन योेगु जुइ धका न धयादीगु खः।
चाँगुनारायण नगरपालिकाकाया उपमेयर विना बाँस्तोलां तथ्याँङ्क संकलन सम्बन्धय् महानगरपालिका नाप थपिनिगुे नगरपालिकाया अनुभवहरु न्ह्यब्ब दुगु लसताया खँ खः धका धयादीगु खः ।
उगु अन्तक्र्रिया ज्याझ्वलय् यल महानगरपालिकाया प्रमुख प्रशासकीय अधिकृत, वडा अध्यक्षपिं, कार्यपालिकाया सदस्यपिं, यल महानगरपालिकाया महाशाखा प्रमुख, कर्मचारीपिनिगु उपस्थिति दुगु खः।
