येँया फोहोर छुं दिं मुने मफइगु येँ महानगरपालिकाया धापू
लहानान्युज | गुंलाथ्व अष्टमी ११४१, साउन ३२ सोमबाः
येँया सडकय् मुंकातःगु फोहोर अझं छुं दिं मुंने मफइगु येँ महानगरपालिकां धागु दु ।
फोहोर व्यवस्थापनया मू जिम्मेवार निकाय येँ महानगरपालिकां फोहोर मुनायंकेगु ज्याय् समस्या वःगु धासें सुचं पितब्यूगु दु ।
नुवाकोटया ककनी गाउँपालिका वडा नम्बर २ स्थित सिस्डोल ल्यान्डफिल्ड साइट थ्यंकेगु सडक स्यंगु धासें महानगरपालिकां थत्थें फोहोर मुनेमफइगु धकाः जानकारी ब्यूगु दु ।
मदिक्क वा वयाच्वंगुलिं ल्यान्डफिल्ड साइट थ्यंकेगु सडक स्यंगु जुयाः सडक ल्ह्वनेत ई काइगु जुयाः फोहोर मुनेगुलिइ समस्या वःगु धागु दु ।
अथेजुयाः फयांफक्व छेँय् न पिने वान्छ्वेगु फोहोर म्ह्वों यायेत सर्वसाधारणपिन्त अपिल याःगु दु ।
Categorized in राष्ट्रिय
