येँ मनपा १७ वडाय् राहत इनेगु ज्या जुल
नृपेन्द्रलाल श्रेष्ठ | चौलाथ्व दशमी ११४०, चैत्र २१
येँ महानगपालिका १७ वडाय् थौं राहत इनेगु ज्या याःगु दु ।
थौं सुथय् ११ बजे निसे कुशलचौर निसे राहत इनेगु ज्याःगु खः । थौंया राहत इनेगु लागि मारवाडी समिटि ग्वाहालि याःगु खः ।
येँ महानगरपालिकाया उपमेयर हरिप्रभा खड्गी श्रेष्ठ व १७ वडाया वडाध्यक्ष नबिन मानन्धरं कुशलेचौर निसे राहत इनेगु सुरु यानादिगु खः ।
उगु राहत रिक्सा चले याइपि न्हिया न्हि ज्यायाइपि २६६ म्हसित राहत इनेगु ज्या जुगु खः ।
सरकारं घोषण याःगु लकडाउनया कारण न्हिया न्हिथं ज्या याइपिन्त लकडाउनया इलय् राहत बिइगु लागि म्हिगः राहत बितरण कमिटि गठन याःगु खः ।
१७ वडाया वडाध्यक्ष मानन्धर थःगु वडा आतक १८०२ म्हे सिंत राहतया लागि नां वया च्वंगु दु धका धयादिसे छन्हु या निन्हु राहत इनेगु ज्या जुइ धका लहनान्युजयात जानकारी बियादिगु दु । उगु राहत छेँय् छेँय् वना बिइगु जुइ धका धयादिगु दु ।