येँ महानगरपालिकाया उप–प्रमुख खड्गी अस्पताल भर्ना
लहना न्यूज | ने.सं. ११३९ दिल्लाथ्व तृतिया (५ जुलाई, २०१९), शुक्रवाः
स्वास्थ्यय् समस्या खनेदयेवं येँ महानगरपालिकाया उप–प्रमुख हरिप्रभा खड्गी श्रेष्ठ अस्पताल भर्ना जुयादीगु दु । वय्कःयात हृदयघातया आशंका याःगु दु ।
सीसीयूस भर्ना जुयादीम्ह खड्गीयात एनजीओ ग्रामलिसेंया परीक्षा यायेगु तयारी जुयाच्वंगु दु । व लिपा हृदयघाट जूगु खः वा मखु अथवा छु स्टेजय् थ्यनाच्वन धइगु सीदइगु अस्पतालया सञ्चारविज्ञ आरपी मैनालीं धयादीगु दु ।
वय्कःयाकथं छाती झ्यात्तुस्से च्वना वःगु व सासः ल्हायेत समस्या जुइधुंकाः अस्पताल झायादीगु उप–प्रमुख खड्गीं धयादीगु दु ।
Categorized in राष्ट्रिय
