येँ महानगर १५ वडाय् न्हुगु मोडालिटी श्रमया आधारय् राहत
नृपेन्द्रलाल श्रेष्ठ | तछलाथ्वा पारु ११४०,जेठ १० शनिवाः
येँ महानगरपालिका वडा नंबर १५ य् राहत वितरण यायेगु मोडालिटीइ ह्युपा हःगु दु ।
विपन्न व ज्यालादारी मजदुरपिन्त राहतया नामय् राहत बिइगु व निःशुल्क भोजन याकेगु ज्या बन्द याना श्रमया आधारय् राहत बिइगु ज्या थौं शनिवाः येँ महानगरपालिका वडा नंबर १५ ज्या न्ह्याकुगु दु ।
न्हुगु मोडालिटी कथं, श्रमया आधारय् राहत बिइगु न्हुगु नमूना योजना थौं स्वय्म्भुया भगवान पाउ जःखः घाँय् प्वलेगु ज्या याना दाता पिन्स बिएगु राहात कथं जाकी,दाल लगायतया खाद्यन्न सामान बियाउगु धका येँ महानगरपालिकाया प्रवक्ता नाप वडा अधक्ष्य ईश्वरमान डंगोलं लहनान्युजयात जानकारी बियादिगु दु । थौं जुगु उगु ज्याझ्वलय् १५ म्हसिया ब्बति काःगु दु धका न जानकारी बियादिगु दु ।
थौं सुथय् ६ बजे निसे ११ वजे श्रम यानो राहत प्याकेट प्रतिव्यक्ति तयेत बिया न्हापागु ज्यायो शुरुवात यानागु धका न धयादिगु दु । थ्व स्वया न्ह्य, येँं महानगरपालिका १५ वडा दकलय् न्हापा निःशुल्क भोजनया ज्या न न्ह्याकुगु खः।
श्रमया आधारित राहत कार्यक्रम १५ वडां थौं शनिवाः स्वयम्भु, डल्लु जःखः ऐतिहासिक हाःहिति, पार्क लगायतया थासय् सरसफाई यायेगु ज्या न्ह्याकागु खः । थथे श्रमया आधारित राहत कार्यक्रमय् नांया लिष्ट कथं पालंपाः श्रम याका राहतया ज्याझ्वः न्ह्याकायेकेगु जानकारी बियादिगु खः ।
