राष्ट्रपतिपाखें निगुलिं अध्यादेश खारेज
लहना न्यूज | ने.सं. ११४० बछलाथ्व पारु (२४ अप्रिल २०२०), शुक्रवाः
राष्ट्रपति विद्यादेवी भण्डारीं दल विभाजनया प्रावधान छ्वासुकेगु व संवैधानिक परिषद सम्बन्धि निगुलिं अध्यादेश खारेज यानादीगु दु ।
थौं शुक्रवाःया मन्त्रीपरिषदया मुँज्यां निगुलिं अध्यादेश लित कायेगु निर्णय यायेवं राष्ट्रपति विद्यादेवी भण्डारीं खारेज यानादीगु खः । वंगु सोमवाः जारी जूगु उगु अध्यादेशयात कयाः प्यखेरं विरोध जूगु खः ।
राष्ट्रपति भण्डारीं मन्त्रीपरिषदया सिफारिसकथं नेपाःया संविधानया धारा ११४या उपधारा (२०)या खण्ड (ख)कथं अध्यादेशत खारेज जूगु राष्ट्रपतिया ज्याकुथिं न्ह्यथंगु दु ।
सरकारं संवैधानिक परिषद (काम, कर्तब्य, अधिकार व कार्यविधि) सम्बन्धि (न्हापांगु संशोधन) अध्यादेश, २०७७ व राजनीतिक दल सम्बन्धि (निक्वःगु संशोधन) अध्यादेश, २०७७ हःगु खः ।
Categorized in राष्ट्रिय
