राष्ट्रिय फुटसल लिग धेंधेंबल्ला जुइगु
बछलागा चतुर्दशी ११४१,असार २४ बिहीवाः
‘ए’ डिभिजन राष्ट्रिय फुटसल लिग धेंधेंबल्ला साउन २३ गतेनिसें न्ह्यायेत्यंगु दु ।
अखिल नेपाल फुटबल संघ (एन्फां) बुधबाः लिग साउन २३ गतेनिसें पोखराय् न्ह्याइगु न्ह्यथंगु दु । थ्वयान्ह्यः जेठय् क्वजिउगु लिग कोरोना भाइरसया महामारीया हुनिं लिछ्यागु खः ।
कोरोनांया हुनिं लिछ्यायेन्ह्यः लिग जेठ १ निसें २२ तक्क पोखराया बहुउद्देशीय कभर्ड हलय् न्ह्याइगु धलः दूगु खः । लिगया नितिं एन्फां टिमया छनोट यायेधुंकुगु दु । लिगय् १०गू टोली दथुइ धेंधेंबल्ला जुइ ।
लिगय् फुटसल फाइभ धरान, द राइजिङ क्लब धरान, ढुकु फुटसल हब, शंखमुल फुटसल, प्रभातफेरि युथ क्लब, स्काई गोल फुटसल, स्पोर्ट्स क्यासल, सबिन मेमोरियल फुटसल क्लब, लुम्बिनी फुटसल व झरना स्पोर्ट्स क्लबं धेंधेंबल्ला याइगु जूगु दु ।
लिगया त्याकामिं १०गू लख तका चूलाकिबलय् ल्य्ु त्याकामिं ५गू लख चूलाकिगु एन्फां जानकारी बिउगु दु । अथेहे उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक व इमर्जिङ कासामिं उत्यिग्यंक म्हतिं २५द्वः तका चूलाकिगु एन्फां न्ह्यथंगु दु ।
एन्फां थुगु धेंधेंबल्लापाखें नेपाःया राष्ट्रिय फुटसल टोली ल्यायेगु न्ह्यथंगु दु । उगु टोलीं एएफसी फुटसल एसियन कप छनोट धेंधेंबल्ला म्हितिइ ।
