२०७८ मङ्सिर २२, बुधबार

रुसं याःगु मिसाइल परीक्षण अमेरिकाया विरोध

कछलाथ्व द्वादशी ११४२, कात्तिक ३० मंगलबाः

रुसया ‘एन्टी सेटलाइट मिसाइल’ परिक्षणप्रति अमेरिकां विरोध क्यंगु दु । रुसं थौंकन्हय् तिनि याःगु भु उपग्रह प्रतिरोधी क्षेप्यास्त्र परिक्षणयात अमेरिकां ग्यानापूगु व गैरजिम्मेवार ज्याया नां ब्यूगु खः ।

रुसं क्षेप्याष्त्र परिक्षणमार्फत अन्तरीक्षय् दुगु थःगु हे छगू भू उपग्रहयात ध्वस्त याःगु खः । रुसया थ्व ज्यां अन्तराष्ट्रिय अन्तरिक्ष केन्द्रय् दुपिं वैज्ञानिकतय्गु ज्यान जोखिमय् लाःगु अमेरिकी द्वपं दु ।

रुसं ध्वस्त याःगु क्षेप्यास्त्रया भग्नावशेषं समस्या ब्वलनेधुंकाः अन्तराष्ट्रिय अन्तरिक्ष केन्द्र आई.एस.एस.या यात्रीत घण्टौंतक्क सुरक्षा क्याप्सुल दुने च्वनेमाःगु खः ।

आई.एस.एस.य् आः प्यम्ह अमेरिकी, निम्ह रुसी व छम्ह जर्मन वैज्ञानिक दु । रुसं पृथ्वीया सतह स्वयां करीब ४सः व २० किलोमिटर च्वय् दुगु भू उपग्रह ध्वस्त यानाः एन्टी सेटलाइट मिसाइल परिक्षण याःगु खः ।

Categorized in अन्तर्राष्ट्रिय