२०८० चैत्र १५, बिहिबार

रुस् व अमेरिका दथुई वार्ता जुइगु

कछलागा दशमी ११४१, जेठ २२ शनिबाः

रुसं अमेरिकालिसेया स्वापू भिंकेत मनंतुनागु न्ह्यथंगु दु ।
 
रुसी राष्ट्रपति भ्लादिमीर पुटिनं वइगु लाय् अमेरिकी समकक्षी जो बाइडेनलिसे जुइगु शिखर सम्मेलनय् निगू देय् दथुया स्वापू भिंकेगु नितिं सहलह जुइगु धयादीगु खः ।
 
निगू देय् दथुया स्वापू तनावपूर्ण अवस्थाय् दूगु इलय् रसियां वइगु दिंलय् अमेरिकालिसे नापं जाना न्ह्यायेत मनंतुनागु धयादील । विपक्षी दलया नेता नवाल्नी क्रेमलिनप्रति पुटिन सरकारं याःगु पहःया खँँय् अमेरिकां तच्वकं कुँख्यंगु नापं निगु देय् दथुया स्वापू थप ख्वामुगु खः ।
 
अथेहे युक्रेनया ल्वापु व अमेरिकी राष्ट्रपतिय निर्वाचनय् डोनाल्ड ट्रम्पयात ग्वहालि याःगु व ह्याकरतयेसं साइबर हताः याःगु लिसेंया घटनाय् रुसया ब्वति दुथ्यागु अमेरिकां द्वपं बियावःगु दु । राष्ट्रपति पुटिनं कोरोना महामारीया इलय् मंका मुद्दा ज्वना न्ह्यायेत तयार दूगु नं धयादीगु अन्तर्राष्ट्रिय समाचार संस्थातयेसं न्ह्यथंगु दु ।
Categorized in अन्तर्राष्ट्रिय