२०८० चैत्र १६, शुक्रबार

लहना वाःपौ न न्यादँ बुदिं हन

लहनान्युज | बछलाथ्व तृतिया (अप्रिल १८ २०१८)

नेपालभाषां पिहा वयाच्वंगु लहना वाःपौं न छगु ज्याझ्वः दथुइ नेवाः ख्यः थी थी ब्यक्तित्वपिं  नाप न्यादँ बुदिं हंगु दु ।
 
उगु ज्याझ्वलय मूपाहाँ कथ शताब्दीपुरुष सत्यमोहन जोशी झायादीगु उगु ज्याझ्वलय् बिशिष्ट पाहाँ कथं प्रहरी महानिरीयक्षक सर्वेन्द्र खनाल, हलिं नेवाः दबुया नायः सिजन श्रेष्ठ, पुलाम्ह नायः डा. बालगोपाल श्रेष्ठ, बरिष्ठ न्वकु दया शाक्य, गोल्डेन भ्वाइस कथं नांजाम्ह बरिष्ठ गायक प्रेमध्वज प्रधान, जगमोहन वामि, यज्ञ रत्न धाख्वाः, शाक्य सुरेन, मणि शाक्य, किपू नगरपालिका प्रमुख रमेश महर्जन, तीर्थराम डंगोल, लक्ष्मीदास मानन्धर लगायत बिशिष्ट ब्यक्तित्व उपस्थिति दुगु खः
 
लहना वाःपौंया बुदिं कुन्हु बियावया च्वंगु सिरपा थुगुसि प्यक्वःगु लक्ष्मण गमालं निस्वनादीगु लहना– धर्म–मोति पत्रकारिता सिरपा नेपाल टेलिभिजनया शोभा श्रेष्ठयात हना पौ नाप झीद्धःतका, समाजसेवि सूरबहादुर श्रेष्ठं निस्वनादीगु स्वक्वःगु लहना–सूर–सम्मान बरिष्ठ निर्देशक आर्यम नकःमियात हना पौ नाप झीद्धःतका, पञ्चवीर सिंह तुलाधरं निस्वनादीगु निक्वःगु लहना– पञ्चवीर सिरपा नेवाः न्ह्यलुवा नाप अधिकारकःमि डा.महेशमान श्रेष्ठयात  हना पौ नाप नीद्धःतका, मोहिनी श्रेष्ठं नीस्वनादीगु लहना–मोहिनी सम्मान मेट्रो एफ एमया उदेन न्हुसाय्मियात हना पौ नाप झीद्धःतका उगु ज्याझ्वलय् मूपाहाँ जोशी हनापौ लःल्हानादीगु खः ।
 
अथेहे थुगुसि राजु महर्जनं निस्वनादीगु लहना–न्यू जेनिथ पत्रकारिता सिरपा कान्तिपुर न्हिपौया प्रशान्त मालीयात नाप केशवलाल श्रेष्ठ नीस्वनादीगु लहना–केशव–कृष्णवदन मातृभाषा पत्रकारिता सिरपा रेडियो नेपालया रचना श्रेष्ठयात छगु ज्याझ्वः दथुइ लःल्हागु खः ।
 
अथेहे देय् पिने च्वना न नेपालभाषा व संस्कृतियात संरक्षणयाःगुलि हलिं नेवाः दबुया नायः सिजन श्रेष्ठ, पुलाम्ह नायः डा. बालगोपाल श्रेष्ठ, बरिष्ठ न्वकु दया शाक्ययात बिशेष सम्मान नाप न्हुम्ह प्रहरी महानिरीक्षकय् नियुक्ति जुयादीम्ह सर्वेन्द्र खनालयात न भिंतुना देछागु खः ।
 
लहना वाःपौया सम्पादक जुजुमान महर्जनं ज्याझ्वःया जानकारी बियादीगु उगु ज्याझ्वलय् प्रकाशक नृपेन्द्रलाल श्रेष्ठं लसकुसयाःगु खःसा ब्यवस्थापक सुरेन्द्रभत्त श्रेष्ठ सुभाय् देछनादीगु खः।
 
उगु ज्याझ्वलय् सुरजवीर बज्रचार्यया बुदिं म्ये न्ह्यागु उगु ज्याझ्वलय् सुरज ब्यञ्जनकार, रीता महर्जन, रोजी श्रेष्ठ, कृष्ण महर्जन, सरस्वति मानन्धर व रुपेन्द्र श्रेष्ठं म्ये न्ह्यब्बयादीगु खःसा आराध्योलक्ष्मि खड्गी, सविता पुतुवार कृपा मुनिकार, इन्दु शाही व रविना श्रेष्ठ हुला प्याखँ हुलादीगु खःनाप लचना चित्रकार सास्कृतिक ज्याझ्वः न्ह्यब्बगु खः। प्रमुख आकर्षक कथं समय्वजी पुचः न ख्याली नं न्ह्यब्वयादीगु खः ।
 
 
लहना वाःपौ न्यादँ क्यंगु लसताय् हना व सिरपाः इनेज्याझ्वः
 
भिडियो स्वयेत थन क्लिकयाना दीसँ
https://www.facebook.com/lahananews/videos/400581437072968/
https://www.facebook.com/lahananews/videos/400583150406130/c
https://www.facebook.com/lahananews/videos/400589400405505/  कुमारी प्याखँ
https://www.facebook.com/lahananews/videos/400595417071570/ सिरपा इनेज्या
https://www.facebook.com/lahananews/videos/400598217071290/ सिरपा इनेज्या
https://www.facebook.com/lahananews 
https://www.facebook.com/lahananews
https://www.facebook.com/lahananews
https://www.facebook.com/lahananews
https://www.facebook.com/lahananews
Categorized in राष्ट्रिय