विश्वकप क्रिकेटय् दक्षिण अफ्रिकायात बंगलादेशं बुकल
लहनान्युज | बछलागा औंसी ११३९ (जुन ३ २०१९)
विश्वकप क्रिकेट लण्डनय् जुया च्वंगु कासाय् बंगलादेश आतक विश्वकप क्रिकेटय् हे दकलय् अप्वो रन दयेकुसे दक्षिण अफ्रिकायात २१ रन बुकुगु खः ।
३३१ रनया विशाल लक्ष्यय् ब्याटिङ यापिं अफ्रिका निर्धारित ५० ओभरय् ८ विकेटया क्षतिइ ३०९ रन हे अलआउट जुल ।
दक्षिण अफ्रिकाया लागि कप्तान फाफ डु प्लेसिसं ६२ रन दकुगु खःसा ऐडन मारक्रम व जेपी डुमेनीं समान ४५,४५ रन दयेकुगु खः । रसिइ भान डेर डुसेन ४१ रन डेभिड मिलर ३८ रन दयेकुगु खः ।
बलिङपाखे बंगलादेशया मुस्ताफिजुर रहमानं स्वंगु विकेट व मोहम्मद सइफुदिनं निगु विकेट काःगु खः ।
बंगलादेशं न्हापागु ब्याटिङ यासे मुश्फिक्युर रहिमं ७८ रन शकिब अल हसनं ७५, मोहमुदुल्लाहं ३३ बलय् ४६, ओपनर सौम्या सरकारं ४२ रन, मोसादक हुसेनं २६ व मोहम्मद मिथुनं २१ रन दयेकुसे ३३० रनया योगफल तयार याःगु खः ।
दक्षिण अफ्रिकाया लागि बलिङपाखें इमरान ताहिर, क्रिस मोरिस व एन्डिल फेहलुकवायाें समान निगु निगु विकेट काःगु खः ।
