विश्वकप क्रिकेटय् बंगलादेश वेष्ट इन्डिजयात बुकल
लहनान्युज | तछलागा पारु ११३९ (जुन १८ २०१९)
विश्वकप क्रिकेटय् बंगलादेशया शकिब अल हसनया बलिङ व ब्याटिङं वेष्ट इन्डिजयात न्ह्यगु विकेटं बुकुगु दु ।
३२२ रनया लक्ष्य ज्वना ब्याटिङ यासे बंगलादेशं ४१.३ ओभरय् हे स्वंगु विकेटया क्षतिइ शकिब अल हसनया अविजित १२४ रन,लिटोन टास अविजित ९४ रन तमिम इकबाल ४८ रन व सौम्या सरकारले २९ रनया ग्वाहालि त्याःगु खः ।
तस बुया न्हापां ब्याटिङ यासे वेष्ट इन्डिजं निर्धारित ५० ओभरय् च्याःगु विकेटया क्षतिइ ३२१ रन दयेकुगु खः ।
वेष्ट इन्डिजया लागि साई होप ९६ रन, इभिन लेविस ७० व सिम्रन हिटम्यरं ५० रन व कप्तान ज्यासन होल्डरं ३३ रन व निकोलस पुरन २५ रन दयेका आउट जुगु खः ।
बलिङपाखे बंगलादेशया मोहम्मद सइफुदिन व मुस्ताफिजुर रहमानं स्वंगु स्वंगु विकेट काःगु खःसा शकिब अल हसनं निगु विकेट काःगु खः ।
विश्वकप क्रिकेटय् बंगलादेशं वेष्ट इन्डिजयात न्हापा बुकुगु खः ।
