विश्वकप क्रिकेटय् भारतं पाकिस्तानयात बुकल
लहनान्युज | तछलाथ्व पुन्हि ११३९ (जुन १७ २०१९)
विश्वकप क्रिकेटय् भारतं पाकिस्तानयात बुकुगु दु । इंग्ल्यान्डया म्यान्चेस्टरय् उगु कासाय् भारतं पाकिस्तानयात ८९ रनं बुकुगु खः । वाः वःगुया कारणं ४० ओभरय् ३०२ रन पाकिस्तान यात लक्ष्य बिगु खः।
पाकिस्तानं ४० ओभरय् ६ विकेटया क्षतिइ २१२ रन दयका ८९ रन बुगु खः । पाकिस्तानया लागि फखर जमानं ६२ रन बाबर अजाम ४८ रन, इमाद वासिम अविजित ४६ व शादब खानं अविजित २० रन दयेकुगु खः ।
भारतया लागि विजय शंकर, हार्दिक पाण्डे व कुलदीप यादवं निगु निगु विकेट काःगु खः।
टस बुना न्हापां ब्याटिङ यापि भारतं निर्धारित ५० ओभरय् ५ विकेटया क्षतिइ ३३६ रन दयेकुगु खः। भारतया लागि ओपनर रोहित शर्मा १४० रन, ओपनर केएल राहुल ५७ रन, विराट कोहली ७७ रन व हार्दिक पाण्डें २६ रन दयेकुगु खः ।
बलिङपाखे मोहम्मद अमिरं स्वगु विकेट काःगु खः ।
