विश्वकप फुटबल छनौट कासाय् जर्मनी व इटाली त्यात, इंग्ल्याण्डयात पोल्याण्डं ज्वलिन्ज्वः यात
ञंलाथ्व तृतीया ११४१, भाद्र २४ बिहीवाः
विश्वकप फुटबल छनौट अन्तर्गग वंगु चान्हय् जूगु कासाय् जर्मनी व इटाली त्याबलय् इंग्ल्याण्डयात पोल्याण्डं ज्वलिन्ज्वःलय् दिकुगु दु ।
पुचः सि या कासाय् युरोपियन च्याम्पियन इटालीं लिथुआनियायात ५गू–०या गोल अन्तरं बुकुगु दु । थुगु हे पुचःया मेगु कासाय् नर्दन आयरल्याण्ड व स्विट्जरल्याण्डं गोल मयासें ज्वलिन्ज्वः म्हितुगु दु ।
उखे पुचः ईलय् बेल्जीयमं बेलारुसयात १गू–०या गोल अन्तरं बुकुबलय् वेल्स व इस्टोनियां गोल मयासें ज्वलिन्ज्वः कासा म्हितल । अथेहे पुचः आई लय् इंग्ल्याण्डं पोल्याण्डलिसे १गू–१गू गोलया ज्वलिन्ज्वः कासा म्हितुबलय् हंगेरीं एण्डोरायात २गू–१गूया गोल अन्तरं व अल्बानियां सान मारिनोयात ५गू–०या गोल अन्तरं बुकल ।
विश्वकप छनौटय् फुक्क कासा त्याका वःगु इंग्ल्याण्डया थ्व न्हापांगु ज्वलिन्ज्वः कासा खः । अथेहे पुचः जि लय् जर्मनीं आइसल्याण्डयात ४गु–०या गोल अन्तरं बुकुगु दु ।
पुचः बि लय् ग्रिसं स्विडेनयात २गू–१गू यो गोल अन्तरं बुकुबलय् स्पेनं कोसोभोयात २गू–०या गोल अन्तरं बुकुगु दु ।
Categorized in कासा
