व्याडमिण्टन कासामि पिन्त बिदाइ
नृपेन्द्रलाल श्रेष्ठ | बछलाथ्व त्रयोदशी ११३९ (मे १७ २०१९)
नेपाल ओलम्पिक कमिटीया अध्यक्ष नाप प्रतिनिधि सभाया सदस्य माननीय जीवन राम श्रेष्ठं चाईनाया नानिङ्ग शहरय् जुइ त्यःगु व्याडमिण्टन Total BWF Sudirman Cup 2019 कासाय् ब्बति कायगु लागि कासामि, प्रशिक्षक नाप अफिसियल पिन्त विदाई ज्याझ्वः यानादीगु दु ।
कासामि रतनजीत तामाङ्ग, दिपेश धामी, नगसला तामाङ्ग व अमिता गिरी प्रशिक्षक उत्तम सिंम्खडा नाप अफिसियल अनुज बस्नेतयात बिदाइ बियादिगु खः । उगु कासा २०७६ जेष्ठ ५ निसे१२ गते तक चाईनाया नानिङ्ग शहरय् जुइगु खः ।
उगु विदाई ज्याझ्वलय् अध्यक्ष माननीय श्रेष्ठं व्याडमिण्टन कासाय् लोकप्रियताया बारेय् जानकारी न बियादिगु खः । व्याडमिण्टन कासाय् दर्शकया उत्साह व चर्चा जुगु धका न जानकारी बियादिगु खः ।
उगु ज्याझ्वलय् नेपाल व्याडमिण्टन संघया अध्यक्ष रामजी बहादुर श्रेष्ठ, उपाध्यक्ष सुभाष श्रेष्ठ, महासचिव विरेन्द्र श्रेष्ठ नाप सचिव लव श्रेष्ठ पिनिगु न उपस्थिती दुगु खः।
