शंकास्पद् ‘सिरिन्ज’ आक्रमणकारीयात प्रहरी ज्वन
छु दिं न्ह्यःनिसे मिसा तयेत याना च्वंगु शंकास्पद् ‘सिरिन्ज’ आक्रमण जुया च्वंगु घटनाया दोषियात प्रहरी ज्वःगु दु ।
 
 
ल्वय् सरे यायेगु नियतं आक्रमण जुया च्वंगु आशंकां पीडित मिसा तयेत एआईभी विरुद्धया एआरटी वासः बिया च्वंगु दुसा नाप हेपाटाइटिस विरुद्धया भ्याक्सिन न बियाच्वंगु खः ।
 
 
उगु घटनाया आक्रणकारी संलग्नय् जुग आशंकाय् सन्तोष कार्कीयात प्रहरीं ज्वःगु दु । उम्ह मनूखं ढल्को व पकनाजोल थासय् संलग्नता दुगु स्वीकार याःगु दु ।
 
 
उम्ह मनूखं थःम्ह सिरिन्ज मखुसे सिया टुक्रा व ढलानया तारं सुयाःगु खः  धका धाःगु खः  । उम्ह मनून आक्रमण यायेनगु कारण थःम्हेस्या न्हिइपुकेगुत जक यानागु धका बयान बिगु खः । तर उगु खँया बिश्वास प्रहरी याःगु मदुनि अनुसन्धान आः न न्ह्याना च्वंगु दनि ।
 
 
प्रहरी धाःगु कथं उम्ह मनू महाराजगञ्जय् होटल व्यवसाय याइम्ह खःसा  चान्ह्यः  १० बजे होटल बन्द याना लिहा वयेगु इलय् मोटरसाइकलं सोह्रखुट्टे, टंकेश्वर जुया  नैकाप वनेगु झ्वलय् उगु ज्यायानागु खः धकाः धाःगु खः ।
 
 
छेँय् लिहा वनिगु इलय् लँय् गन याकचा मिसा खनकि अथे आक्रमण याइगु खःसा उम्ह मनूखं छ्यला च्वंगु बा ४७ प १३३१ नम्बर नं प्रहरीं बरामद याःगु दु ।
 
 
 
 
 
Categorized in अपराध