शीर्ष वरियताया नोभाक जोकोभिच विम्बल्डन टेनिसया स्वंगूगु चरणय्
बछलागा सप्तमी ११४१, असार १७ बिहिवाः
शिर्ष वरियताया टेनिस कासामि नोभाक जोकोभिच विम्बल्डन टेनिसया स्वंगूगु चरणय् दुहांवंगु दु ।
लण्डनय् वंगु चान्हय् जूगु निगूगु चरणया कासाय् दक्षिण अफ्रिकााय केभिन एण्डर्सनयात बुकाः जोकोभिचं स्वंगूगु चरणय् थाय् दयेकूगु खः ।
साविक त्याकामि जोकोभिचं एन्डर्सनविरुद्धया कासा ६–३, ६–३ व ६–३ या तप्यंगु सेटय् त्याकल ।
न्याकःया विम्बल्डन च्याम्पियन जोकोभिच घाँय्या कोर्टय् खुगूगु अले मुक्कनय् करियरया २०क्वःगु ग्राण्ड स्लाम उपाधि त्याकेगु अभियानय् दु ।
विम्बल्डनया उपाधि त्याकूसा जोकोभिचं दक्कले अप्वः ग्राण्ड स्लाम त्याकूम्ह कासामिया धलखय् दक्कले न्ह्यःने दुम्ह रोजर फेडेरर व रफाइल नदालयात नापलाकःवनी ।
फेडेरर व नदालं २०क्वः÷२०क्वः ग्राण्ड स्लाम त्याकेधुंकल ।
Categorized in कासा