श्रीलंका वेष्ट इन्डिजयात त्याकल
लहनान्युज | तछलागा आमै ११३९ (जुलाई २ २०१९)
विश्वकप क्रिकेटइ् वेष्ट इन्डिजयात बुकां श्रीलंका सेमिफाइनल वने फइगु भतिचा आश दयेकुगु दु ।
इंग्ल्यान्डय् जुया च्वंगु विश्वकप क्रिकेटय् श्रीलंकां वेष्ट इन्डिजयात २३ रन नं बुकुगु खः । ३३९ रनया लक्ष्य ज्वना ब्याटिङ यासे वेष्ट इन्डिजं निर्धारित ५० ओभरय् ९ विकेटया क्षतिइ ३१५ रन जक दयेकेत ताःलागु खः ।
वेष्ट इन्डिजया लागि निकोलस पुरनं ११८ रन फाबियन एलिन ५१ रन व क्रिस गेलं ३५ रन दयेकुगु खः । बलिङपाखे लासिथ मालिंगा स्वगु विकेट काःगु खः ।
न्हापां ब्याटिङ यासे श्रीलंकां निर्धारिति ५० ओभरय् ६ विकेटया क्षतिइ ३३८ रन दयेकुगु खः । श्रीलंकाया लागि अभिश्का फेर्नान्डा १०४, कुशल परेरा ६४, लाहिरु थिरिमान अविजित ४५, कुशल मेन्डिस ३९ व कप्तान दिमुथ करुनरत्ने ३२ रन दयेकुगु खः ।
बलिङपाखे कप्तान ज्यासन होल्डरं निगु विकेट काःगु खः ।
