२०७७ माघ ५, सोमबार

सट्टाबाजी स्वम्हेसित प्रहरी ज्वन

लहानान्युज | अनलाथ्व चतुर्दशी ११४०,असोज १४ बुधवाः

इन्डियन प्रिमयर लिग (आईपीएल) अनलाइन बेटिङ (सट्टाबाजी) य् संलग्न स्वम्हेसित मोरंग प्रहरीं ज्वःगु दु।
 
मोरंग प्रहरी प्रमुख उपरीक्षकया कथं ज्वपि विराटनगर १५ या ३८ दँ दुम्ह सत्यजीत धइम्ह मुन्ना साह, वैजनाथ साह व विराटनगर १७ या ४२ दँ दुम्ह जगदिश साहपि खः ।
 
बेटिङय् छ्यलिगु सामग्री मध्ये सत्यजीतपाखे छगः मोबाइल, छगः ल्यापटप व ६० हजार ध्यवा, जगदिशपाखे छगः मोबाइल, छगः मोटरसाइकल व वैजनाथपाखे छगः मोबाइल बरामद प्रहरीं याःगु खः।
 
मोरंगया प्रहरी प्रवक्तां आईपीएल सुरु जुसा निसे उमिगु गतिविधिइ निगरानी तया वयाच्वंगु खः।
 
सुराकी परिचालन याना सूचं संकलन याना ज्वनागु धका धाःगु खः । थुकिय सम्बन्धि विस्तृत विवरण सार्वजनिक यायेगु जुइ धका न धाःगु दु ।
 
दुबईलय् वःगु १९ सेप्टेम्बरनिसे सुरु जुगु आईपीएलया १३ गु संस्करणय् च्याःगु टिम दु। दकलय् लिपागु कासा १० नोभेम्बरय् जुइ ।
Categorized in कासा