सप्तरी घटनाय् सीपिं प्यम्ह थ्यन
लहनान्यूज | चिल्लाथ्व एकादशि ११३७ (मार्च ८ २०१७)
सप्तरी घटनाय् प्रहरीया गोलिं लानाः घाःपाः जूम्ह सप्तरी मलेठ–२याम्ह बीरेन्द्र महतो थौं मन्त ।
महतो वासः यायेगु झ्वलय् वीपी कोइराला स्वास्थ्य बिज्ञान प्रतिष्ठान धरानय् मदुगु खः । आइसियू कक्षय् तयाः वासः यानातःम्ह महतो अन हे मदुगु खः ।
थ्वयां न्ह्यः संजन मेहता, पीताम्बर मण्डल व आनन्द साह नं प्रहरीया गोलिं लानाः मदुगु खः । थुगु घटनाय् न्हापा दिगम्बर झा नं मदुगु धाःगु खःसां लिपा वयकः अस्पतालय् वासः याकाच्वंगु दुगु सीदुगु खः ।
एमालें ग्वसाः ग्वःगु मेची–महाकाली अभियान ज्याझ्वःया विरोधय् कुहांवंपिं मधेशी मोर्चाया कार्यकर्ता व प्रहरी दथुइ झडप जूबलय् प्रहरीं गोलिं कयेकूगु खः ।
Categorized in राजनीति
