सांसद विकास कोषया ध्यवा कोरोना रोकथाम छ्यलिइगु
लहनान्युज | चौलागा सप्तमी ११४०, बैसाख २ मगलवाः
संघीय संसद व प्रदेशसभा याःगु संसद विकास कोषया ध्यवा कोरोना रोकथाम, नियन्त्रण तथा उपचार कोषय् जम्मा यायेग् सहमति जुगु दु ।
थौं मंगलवाः सभामुख अग्निप्रसाद सापकोटां प्रतिनिधिसभाया कार्यव्यवस्था परामर्श समितिया बैठक व प्रदेशसभाया सभामुख व उपसभामुखया सहलह ज्याझ्वलय् सांसद विकास कोषया ध्यवा कोरोना उपचार कोषय् छ्वयेगु सुझाव बिगु दु ।
संसद सचिवालयया प्रवक्ता रोजनाथ पाण्डें उगु सुझाव कार्यान्वयन यायेत सभामुख सापकोटां नोबल कोरोना भाइरस रोकथाम तथा नियन्त्रण उच्च स्तरीय समितिमार्फत सरकारयात इनाप याःगु खः ।
संघीय सभामुख व न्ह्यःगु प्रदेशया सभामुख व उपसभामुख नाप सहलह जुगु कार्यव्यवस्था परामर्श समितिइ माननीय सदस्यपिनिगु सुझावयात कार्यान्वयन यायेत नोबल कोरोना रोग रोकथाम तथा नियन्त्रण उच्च स्तरीय समितिमार्फत नेपाल सरकारयात उपलब्ध यायेगु निर्णय जुगु खः ।
थौं मंगलवाः कार्यव्यवस्था परामर्श समितिया बैठकय् प्रतिनिधिसभाया थीथी दलया प्रमुख सचेतकपिनिगु निर्वाचन क्षेत्र पूर्वाधार विकास कार्यक्रमया खर्च मजुग ध्यवा कोरोना भाइरस रोकथाम नियन्त्रण तथा उपचार कोषय् उपलब्ध यायेगु उपयुक्त जुइगु सुझाव बिःगु खः ।
