२०७८ माघ ५, बुधबार

सिभिल बैंकका तत्कालिन नायः इच्छाराज तामाङ पुर्पक्षया लागि जेल चलान

थिंलागा एकादशी ११४२, पुष १५ विहीबाः

काठमाडौँ जिल्ला अदालतं सगठित ठगीया द्वपनय् ज्वंम्ह सिभिल गु्रपया नायः इच्छाराज तामाङयात पुर्पक्षया नितिं थुनाय् छ्वयेत आदेश बिउगु दु  ।

न्यायाधीश राजकुमार कोइरालाया इजलासय् थ्यंमथ्यं निवा न्ह्यागु थुनछेक बहसलिपा तामाङयात थुनाय् छ्वयेत आदेश बिउगु खः । प्रतिवादीमध्ये तामाङलिसें केशवलाल श्रेष्ठयात नं थुनाय् छ्वगु दु ।

मेपिं ८ म्हसित धरौटीइ त्वःतेत अदालतं आदेश बिउगु दु । तामाङलिसें ४२ म्हसित प्रतिवादी दयेका सरकारी वलिक ज्याकुथिं संगठित ठगीइ काठमाडौं जिल्ला अदालतय् मुद्दा दर्ता याःगु खः ।

सिभिल सहकारीइ निक्षेपकर्तां मुंकुगु ध्यबा मपुलेधुंका तामाङविरुद्ध पीडितं सीआईबीइ उजुरी बिउगु खः । पीडितया उजुरीया लिधंसाय् सीआईबीं तामाङलिसें १२म्हसित ज्वना अनुसन्धान न्ह्याकुगु खः ।

Categorized in अपराध