स्वक्वःगु नेपालभाषा साहित्य नखः शुरु
लहनान्युज | कछलागा द्धादशी ११४० (नोभेम्वर १९ २०१९)
निन्हु यंक. जुगु स्वक्वःगु नेपालभाषा साहित्य नखः येँया नेपाल प्रज्ञा प्रतिष्ठान न्ह्याःगु दु । नेपालभाषा टाइम्सया ग्वसालय् वःगु स्वदँ न्ह्यःनिसे याना वया च्वंगु खः ।
उगु ज्याझ्वलय् वरिष्ठ साहित्यकार मथुरा सायमिया आत्मकथा ’साय्मि जि मथुरा’, भूषण श्रेष्ठयाःगु गजल संग्रह ’ नुगःया गुनगुन’, राजेन्द्रकुमार पुतायाःगु सुथया लिसः गजल समालोचना, राज साय्मिया जासुसी उपन्यास ’तुयुगु अजः’ सफू बिमोचन जुगु खः ।
अथेहे कवि बासुदेव अधिकारीया नेपालभाषा अनुवादयाना चिनाख मुना युरो स्पर्श व साहित्यकार उद्धव मास्केया नियात्रा छगु बन्द देशय् .. न उगु ज्याझ्वलय् सफू पितब्बज्या जुगु खः ।
अथेहे ज्याझ्वलय् जनकवि दुर्गालाल श्रेष्ठं सीमा अतिक्रमण बारे चिनाखँ ब्बना न्यकादिगु खःसा बहनि सांस्कृतिक ज्याझ्वः न जुगु खः । ज्याझ्वः थौं न न्ह्याइतिनि ।
