स्वनिगः दुने छवाःया लागि निषेधाज्ञा थपे जुल
लहनान्युज | ञंलाथ्व १५ ११४०,भाद्र १७ बुधवाः
स्वनिगः दुनेया लागि जारी जुया च्वंगु निषेधाज्ञा छवाः थपे याःगु दु । गृह मन्त्रायलनाप सहलह लिपा स्वनिगःया दुने स्वम्ह जिल्ला अधिकारीपिन्स निषेधाज्ञा थपे यायेगु निर्णय याःगु दु ।
तर, आः छु भचा सेवाय् सञ्चालनया लागि छुट बिइत्यःगु दु ।
वासः, खाद्यवस्तु व अत्यावश्यकीय वस्तु न्यायेगु लागि थ्व स्वया न्ह्य न रोक याःगु मदु । अय्न, छेँय् न पिहा वयेत मास्क अनिवार्य तयेमाः धका धाःगु दु ।
नियमित सेवा प्रदान यायेमाःपि कर्मचारी सुथय् ९ बजेनिसे १०ः३० बजे तकव न्हिन ३ः३० निसे ५ बजे तक वये वने धाःगु दु ।
होटल, रेष्टुरेन्ट, बँ पसः आः न बन्द याःगु दु । बैंक लगायतया निकायया न्यूनतम कर्मचारी तया स्वास्थ्य सुरक्षाय् मापदण्ड पालना याना सेवा बिइ फइ धका धाःगु दु ।
स्वनिगलय् कोरोना भाइरसया संक्रमण अप्वोया वःगुलि स्वगू हे प्रमुख जिल्ला अधिकारीपिन्स भदौ ३ गतेनिसे छवाःया लागि निषेधाज्ञा आदेश जारी याःगु खः ।
तर, १० भदौमा पुनः न्ह्यन्हु या लागि निषेधाज्ञा तःगु खः उगु थौं क्वचायेत्यःगु खः ।
Categorized in राष्ट्रिय
