हलिंया हे दकलं अपाः दुज दूगु परिवारया हामा जियोन चान मन्त । भारतया मिजोरम प्रान्तया आइजोललिक्क च्वंगु बख्तवांग गाँया ७६दँया जियोना चाना मदुगु बीबीसी न्ह्यथंगु दु । जियोनाया ३८म्ह कला, ८९मह मस्त, १४म्ह भौ व ३६म्ह छेय् त दु । उपिं फुक्कं हे १००गू कोठा दूगु प्यतजाःया छेँय् च्वनावयाच्वंगु खः । थ्वहे परिवारया कारण हे बख्तवांग गाँ पर्यटकया लागि आकर्षणया केन्द्र जूगु वीवीसीं धाःगु दु । जियोना पेशां सिकःमि जुयादिइ । परिवार न्ह्याकेत वय्कया तःधिम्ह कलां नं फुक्क परिवारपिन्त ज्या इनाबिइगु व अनुगमन नं याई । गुलिखे काय् पिं थःथःगु ज्या याइगु व मेपिं कला व भौमचापिन्सं बुँज्या याना परिवारया आर्थिक ग्वहालि यानावयाच्वंगु दु । वय्कया परिवारयात न्हियान्हिथं ४५गू केजी जाकी, ४०म्ह खाः, २५गू केजी दाल, ६०गू केजी तरकारी, दर्जनौं खँय् व २० केजी फलपूmल खपत जुइगु खः । यक्व परिवारया दुजः दूगु हुनिं हे भारतय् उगु क्षेत्रय् चुनाव जुइगु ईलय् दक्व नेतापिन्सं उगु परिवारयात लय्तायेकेगु कुतः याई । गुबले गुबलें लाः सुं नेतापिन्त त्यायेत उमिगु परिवार हे निणार्नायक नं जुयावयाच्वंगु धाःगु दु । Categorized in अन्तर्राष्ट्रिय