हाइटी राष्ट्रपति हत्याविरुद्धया छानविन न्ह्यात
बछलागा पञ्चमी, ११४१, असार २५ शुक्रबाः
हाइटीया प्रहरीं राष्ट्रपति जोभनेल मोइसया हत्याविरुद्ध याःगु कारवाहीलय् ४म्ह सीगु दुसा छुं शंकास्पद मनूयात नियन्त्रणय् काःगु दु ।
सुरक्षाकर्मीया कारवाहीलय् सीपिं मध्ये छम्ह अमेरिकी नागरिक जूगु बीबीसीं न्ह्यथंगु दु । तर प्रहरीं हत्याया हुनिं व योजनाया खँय् छुं ध्वाथुइकुगु मदुनि । बुधबाः सुथय् थःगु हे निवासय् राष्ट्रपति मोइसया हत्या जूगु खः ।
उगु घटनाय् राष्ट्रपति मोइसया तिरि मार्टिन तच्वकं घाःपाः जूगु अन्तर्राष्ट्रिय समाचार संस्थातयेसं न्ह्यथंगु दु । घटनालिपा हाइटीया कार्यबाहक प्रधानमन्त्री क्लाउड जोसेफं विदेशीया संलग्नताय् राष्ट्रपतिया हत्या जूगु प्रतिक्रिया बियादीगु खः ।
थुखे, राष्ट्रपतियात स्यागुया विरोधय् सर्वसाधारणं विरोध ब्वज्या याःगु दु । उमिसं देशय् शान्ति सुरुक्षा कायम यायेत ताःमलाःगु धका सरकारया विरोधय् नाराबाजी नं याःगु बुखँय् न्ह्यथनातःगु दु ।
Categorized in अन्तर्राष्ट्रिय