इपिडिमियोलोजी लिसें रोग नियन्त्रण महाशाखां हलियंक न्यनाच्वंगु कोभिड–१९ भाइरसया ओमिक्रोन भेरियन्टलिसें न्हूगु भेरियन्ट खनेदइगु जोखिम अप्वंगुलिं सावधानी नालाकाय्त इनाप याःगु दु ।

इपिडिमियोलोजी लिसें रोग नियन्त्रण महाशाखाया प्रमुख कृष्णप्रसाद पौडेलं ओमिक्रोन भाइरस थें अप्वः न्यनावन धाःसा अझ न्हूगु भेरियन्टया जोखिम अप्वइगु ख्याच्वः बिउगु दु ।

ओमिक्रोनं उत्परिवर्तन जुया वइगु न्हूगु भेरियन्ट ओमिक्रोन सिबें ग्यानापुइगु अवस्था नं जुइफइगु जुगुलिं निरन्तर सावधानी नालाकाय्त इनाप याःगु खः ।

थौंकन्हे न्हि २सःया हाराहारीइ संक्रमितयात सघन उपचार कक्षय् वासः यायेमाःगु व उकिमध्ये ३०म्हलिसें ४०म्हेसित भेन्टीलेटरया आवश्यक जूगु नं महाशाखां न्ह्यथंगु दु ।

Categorized in राष्ट्रिय