१३१३म्हेसित कोरोना संक्रमण, १४५५म्ह डिस्चार्ज
शोभा श्रेष्ठ | अनलाथ्व नवमी ११४०,असोज ९ शुक्रवाः
वःगु २४ घन्टाय् जक नेपालय् थप १३१३म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङया झ्वलय् थौं शुक्रवाः प्रवक्ता डा जागेश्वर गौतमया कथं आः कोरोनाया संक्रमितपि नेपालय् ७० हजार ६१४म्ह थ्यःगु दु।
वःगु २४ घन्टाय् कोरोनामुक्त जूपि १४५५म्ह डिस्चार्ज जूया छेँय् लिहावःगु दु । थ्व नाप नेपालय् आःतक कोरोनामुक्त जूपिे ५१ हजार ८६६म्ह थ्यःगु दु।
अथेहे वःगु २४ घन्टाय् खुम्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु । थ्व नाप नेपालय् कोरोना संक्रमणं सीपि ४५९म्ह थ्यःगु दु।
नेपालय् आइसोलेसनय् च्वना कोरोना संक्रमितपि १८ हजार २८९म्ह दु सा ६ हजार ४६४म्ह क्वारेन्टाइनय् च्वना च्वंगु दु धका प्रवक्ता गौतमं धाःगु दु।
Categorized in राष्ट्रिय
