विन्टर ओलम्पिकया २४क्वःगु संस्करण थौंनिसें चीनया बेइजिङय् न्ह्यायेत्यंगु दु ।

च्याम्पियनसीपया छुं छुं कासात बुधवाःनिसें न्ह्याइ । अनलिं औपचारिक कथं उलेज्या जुइ । विन्टर ओलम्पिकया थ्व संस्करणय् ९१गू देय्या थ्यंमथ्यं ३द्वम्ह कासामितय्सं ब्वति काइगु धयातःगु दु ।

च्याम्पियनसीपय् च्वापुइ म्हितीगु थीथी कथंया ७गू कासाय् सछि व ९गू लुँया तक्माया नितिं धेंधेंबल्ला जुइ । थ्व ओलम्पिकयात अमेरिकानाप छुंया ल्याखय् पश्चिमा देशं कुटनीतिक ढंगं वहिष्कार याःगु दु ।

चीनय् मानव अधिकारया अवस्था चिन्ताजनक दुगु धासें थुपिं देशं चीनय् दबाब अप्वयेकेत ओलम्पिकया कासात बहिष्कार याःगु खः । कुटनीतिक ढंगं कासायात बहिष्कार याःसां थुपिं देशं कासामि धाःसा छ्वःगु दु ।

थौंनिसें न्ह्याइगु विन्टर ओलम्पिक फेब्रुअरी २० तारिखतक जुइ ।

Categorized in कासा