२४ घण्टाया दुने १ हजार ५ डिस्चार्ज
लहानान्युज | अनलाथ्व ४ ११४०, असोज ५ सोमवाः
नेपालय् वःगु २४ घण्टाय् कोरोना संक्रमणमुक्त जुया छेँ लिहावःपि १ हजार ५म्ह थ्यःगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप आःतक कोरोना संक्रमणमुक्त जुपि ४७ हजार २ सय ३८ म्ह थ्यःगु दु । आइतवाः तक देय् यकं ९ सय ६६ संक्रमितपि डिस्चार्ज जुगु दु । सोमवाः तक नेपालय् कोरोना संक्रमितपि ६५ हजार २ सय ७६म्ह थ्यःगु दु ।
मन्त्रालयया प्रवक्ता डा. जागेश्वर गौतमया कथं आःतक नेपालय् पीसीआर विधिपाखे ९ लाख २३ हजार ८२३ परीक्षण याये धुुकुगु दु । थ्व नाप २४ घन्टाय् जम्मा ९ हजार ५३३ म्हेसिगु पीसीआर परीक्षण याःगु खः ।
आःतक क्वारेन्टाइनय् ७ हजार ४०३म्ह च्वना च्वंगु दु धका मन्त्रालयं धाःगु दु । थ्व नाप सक्रिय संक्रमितपि १७ हजार ६११म्ह जुया च्वंगु दु । २४ घन्टाय् थप १६म्ह सी धुकुगु दु । होम आइसोलेसनय् च्वना च्वपि ८ हजार ६९०म्ह दु धका मन्त्रालयया प्रवक्ता गौतम. धाःगु दु।
Categorized in राष्ट्रिय
