७४३ म्हेसित कोरोना संक्रमण पुष्टि
लहनान्युज | ञंलाथ्व ६ ११४०,भाद्र ८ सोमवाः
थौं वःगु २४ घण्टाय् देय् यकं ७४३ म्हेसित कोरोना संक्रमित जूगु दु ।
स्वास्थ्य तथा जनसंख्या मन्त्रालयया कथं १० हजार २३४ म्हेसिगु पीसीआर परीक्षणय् ७४३ म्हेसित संक्रमण पुष्टि जुगु दु ।
थौं सोमवाः तक संक्रमितपि ३२ हजार ६७८ म्ह थ्यःगु दु ।
वःगु २४ घण्टाय् १७५म्ह कोरोना संक्रमणपि डिस्चार्ज जूगु दु । सोमवाः तक डिस्चार्ज जूपि १८ हजार ८०६ म्ह थ्यःगु दु ।
वःगु २४ घण्टाय् स्वनिगलय् जक २२४म्हेसित कोरोना संक्रमण पुष्टि जुगु धका मन्त्रालयं धाःगु खः।
Categorized in राष्ट्रिय
