८९९ म्ह कोरोना संक्रमण पुष्टि, ५८८ म्ह डिस्चार्ज
लहनान्युज | ञंलाथ्व १३ ११४०,भाद्र १५ सोमवाः
वःगु २४ घण्टाय् ८९९ म्हेसित कोरोना भाइरसया संक्रमण पुष्टि जूगु दु ।
देय् यकं याःगु प्रयोगशालाय् ११ हजार ४९० म्हेसिगु नमुना परीक्षण याःगुलि ३०३ मिसा व ५९६म्ह मिजंपिन्त संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं संक्रमितपि मध्ये २९८म्ह स्वनिगः दुनेयापि खः ।
थ्व नाप संक्रमितपि ३९ हजार ४६० म्ह थ्यःगु दु । उकि मध्ये २२८म्ह मदये धुकुगु दु । २१ हजार ४९० म्ह कोरोनामुक्त जुया छेँय् लिहा वने धुकुगु दु ।
वःगु २४ घण्टाय् जक ५८८ म्ह डिस्चार्ज जुया वःगु दु धका स्वास्थ्य तथा जनसंख्या मन्त्रालयं धाःगु दु ।
Categorized in राष्ट्रिय
