वरिष्ठ भजन संगीतज्ञ भिमबहादुर नकःमि मन्त
लहानान्युज | कौलागा दशमी ११४०,कार्तिक २५ मंगलवाः
नेपाःया नांजाम्ह भजन संगीतय् म्ये च्वमि, संगीतकःमि, म्ये हालामि भिम बहादुर नकःमि म्हिगः सोमवाः सनिलया ८ बजे मदुगु खः।
वयकः ९२ दँय् आकाझाका मदुगु खः।
मदुम्ह भिमबहादुर नकःमिया काय् नेपाःया संगीत ख्यलय् नांजाम्ह संगीतकःमि मनराजा नकःमि व छ्यः संकिपा ख्यलय् नांजाम्ह आशिष्मा नकःमि खः।
वय्कःया सीम्ह सिथं यनेगु व सी उइगु ज्या थौं मंगलवाः सुथयसिया ९ बजे बलंबु दीपय् जुइगु दु।