कक्षा १२ या परीक्षा जेठ २६ गतेनिसे जुइ त्यःगु दु । थौं मंगलवाः च्वंगु राष्ट्रिय परीक्षा बोर्डया बैठकं कक्षा १२ या परीक्षा जेठ २६ गतेनिसे यायेगु निर्णय जुगु दु धका बोर्डया अध्यक्ष प्रा.डा.चन्द्रमणि पौडेलं धाःगु दु ।

परीक्षा जेठ २६ निसे असार ४ गते तक जुइ । कोभिड–१९ महामारीया कारण सरकारं थुगु वर्षया शैक्षिक सत्र निला लिपा यकूगु खः।

जेठ मसान्त तक व न्हुगु शैक्षिक सत्र असारनिसे सुरु यायेगु निर्णय याये धुकुगु दु । थ्व स्वया न्ह्य वैशाखनिसे चैत तक शैक्षिक सत्र सञ्चालन जुयाच्वंगु खः ।

मन्त्रिपरिषदया बैठकं शिक्षा नियमावली संशोधन यासे निला शैक्षिक सत्र थप यायेगु अधिकार मन्त्रालययात बिःगु खः ।

Categorized in राष्ट्रिय