प्रधानमन्त्री केपी शर्मा ओलीं आः साविक नेकपा एमालेया बैठक सःत्यःगु धका धाःगु दु । आइतवाः थौं बालुवाटारय् सःतूगु संसदीय दलया बैठकय् ओलीं सर्वोच्च अदालतया फैसला कथं एमालेया बैठक सःतूगु खः ।

अदालतया ऋषि कट्टेलयात  नेपाल कम्युनिष्ट पार्टी (नेकपा) बिउसा राजनैतिक रुपं थुकिइ देय् सही कोर्स हे वनिइ । आः नेकपा एमालेया बैठक च्वनिइ’, बैठकय् प्रधानमन्त्रीं तःगु भनाइ उधृत यासे बैठकय् सहभागी छम्ह नेतां धाःगु दु । छु दिं लिपा हे एमाले दलया बैठक च्वना न्हुगु राजनीतिक कोर्सबारे निर्णय कायेगु धका ओलीं धाःगु दु ।

राष्ट्रियसभाय् नेकपाया उम्मेदवार दयेका निर्वाचित सांसदपि विशेष निर्णय यायेगु धका न ओलीं धाःगु दु । उगु विशेष निर्णय धाःसा राष्ट्रियसभाया सांसदपि, प्रतिनिधिसभा, प्रदेशसभा व स्थानीय तहया उपनिर्वाचनपाखे त्याना वःपि प्रतिनिधिपिन्त जोगे यायेत न्हुगु विधेयक हयेमालेफु धका ओलीया धापू दु । नेकपाया एकता लिपा मान्यता मबिःगु आः थःगु सरकार संयुक्त दयेकाःगु धका प्रधानमन्त्रीं धयादीगु खः।

‘माओवादी केन्द्रं समर्थन लित कालकि विश्वासया मत कायेमालेफु । जि लच्छिया दुने काये’, ओलीं धयादीगु दु । आइतवाः च्वंगु बैठकयात एमाले दलया बैठक धाःगु मदुनि । पार्टी प्रक्रिया झ्वलय् अदालतया फैसला वःगुलि सांसदपिन्त सःतुगु खः।

Categorized in राजनीति