न्यायाधीश हरिकृष्ण कार्की संवैधानिक इजलासय् मच्वनेइगु घोषणा
लहनान्युज | थिंंलागा अष्टमी ११४१, बुधवाः २२ गते
न्यायाधीश हरिकृष्ण कार्की न संसद विघटनबारे सुनुवाई याना वयाच्वंगु संवैधानिक इजलासय् मच्वनेइगु घोषणा याःगु दु।
प्रतिनिधिसभा विघटनविरुद्ध रिटय् सुनुवाइया लागि प्रधानन्यायाधीश चोलेन्द्रशम्शेर जबरां थःगु नेतृत्वया संवैधानिक इजलासय् न्यायाधीश कार्कीसहित विश्वम्भरप्रसाद श्रेष्ठ, अनिलकुमार सिन्हा व तेजबहादुर केसी तोके याःगु खः।
विपक्षीपिनिगु लिखित जवाफ वयेवं थौं बुधवाः निसे सुरु जुगु सुनुवाईया झ्वलय् वरिष्ठ अधिवक्ता शम्भु थापा व दिनेश त्रिपाठीं न्यायाधीश कार्कीया सहभागिताय् न्ह्यसः थःगु खः। कार्की, केपी शर्मा ओली नेतृत्वया वःगु सरकारय् महान्यायाधिवक्ता जुगुलि आः थ्व मुद्धा स्वयेगु इलय् स्वार्थ ल्वाइ धका वयकलं तर्क बियादीगु खः।
वरिष्ठ अधिवक्ता थापां प्रधानन्यायाधीशयात न्ह्यसः तःगु खः, ‘रोष्टरय् १४ म्ह न्यायाधीश दु। न्यायाधीश अभाव मजुसा महान्याधिवक्ता जुइ धुकुम्हेसित हे छाय् ल्यइगु धका धाःगु खः?’ थुकिइ बालागु सन्देश मवनिइगु धाःसे वयकलं, जितः आपत्ति मदु, तर पब्लिकं न्ह्यस? तइ धका धयादीगु खः । जनतां ल्ह्वनिइगु न्ह्यसः अथेहे डिसमिस याये मिले मजु धका धयादीगु खः।
मेम्ह अधिवक्ता त्रिपाठीं कार्की न ओली संलग्न मुद्दा स्वयेवलय् स्वार्थ ल्वाइगु धका धयादीगु खः। तर प्रधानन्यायाधीश जबरां छाय् जुइ मखु धका न्ह्यसः तयादीगु खः। वयकलं कार्की ओलीं नियुक्त याम्ह मनू खः धका धयादीगु खः। प्रधानन्यायाधीश जबराले चोलेन्द्र न केपी ओलीं नियुक्त याःम्ह खः, जिगु बारेय् न न्ह्यसः न्यसःसा ज्युनि धका धयादीगु खः।
Categorized in राष्ट्रिय
