नेकपा माओवादी केन्द्रपाखें मन्त्री जूपिं लिहाँवय्त पार्टीया उजं
सिल्लागा औंसी ११४१, फागुन २९ सनिबाः
नेकपा माओवादी केन्द्रं गृहमन्त्री रामबहादुर थापालिसें मन्त्रीपिन्त मन्त्रिपरिषदपाखें लिहाँवयेत उजं बिउगु दु ।
पार्टी ज्याकू पेरिसडाडाँय् थांै च्वंगु स्थायी कमिटी मूँज्यां थःपिनिगु पार्टीं सरकारय् दुथ्यापिं मन्त्रीपिन्त लिहाँ वयेत उजं ब्यूगु प्रवक्ता नारायणकाजी श्रेष्ठ जानकारी बियादिल ।
गृहमन्त्री रामबहादुर थापा, ऊर्जामन्त्री टोपबहादुर रायमाझी, खानेपानीमन्त्री मणि थापा, सिँचाइमन्त्री प्रभु साह, खेलकुदमन्त्री दावा लामा व श्रममन्त्री गौरीशंकर चौधरी प्रधानमन्त्री केपी शर्मा ओली नेतृत्वया सरकारय् दुथ्यानाच्वंगु दु ।
एमाले नायः तकं जुयादीम्ह प्रधानमन्त्री ओलीं थापालिसें २३म्हेसित एमाले केन्द्रीय दुजलय् मनोनयन याय्धुंकूगु दु । अथेहे थापायात बागमती प्रदेशया इन्चार्जया जिम्मेवारी तकं यानादिइगु दु ।
मूँज्यां प्रधानमन्त्री ओलीपाखें वंपिं पूलाम्ह माओवादी केन्द्रया उपिं मन्त्रीपिन्त २४घौ दुने स्पष्टीकरण तकं फ्वंगु दु । मूँज्यां कन्ह्य् केन्द्रीय कमिटी मूँज्या नं सतुगु दु ।
सोमबाःया नितिं तःगु राष्ट्रियभेला धाःस मेगु सूचं मवःतले स्थागित याःगु दु ।
