बृहत् नागरिक आन्दोलनं ‘महिला मार्च’ याइगु जुगु दु । शुक्रवाः माघ ३० गते बसन्तपुर डबलीपाखे माइतिघरतक मिसापिन्स मार्च नाप आन्दोलन यायेत्यःगु दु नागरिक समाजया मिसा फोर्स नं जारी याःगु विज्ञप्ति कथं मैना सुनुवार निसे निर्मला पन्त तक, अंगिरा पासी निसे भागीरथ भट्ट तक सिलसिला आः न्ह्यावलय् निति बन्द यायेगु लागिु उगु मार्च याये त्यःगु खः ।

विज्ञप्तिइ धयातबःगु दु दक्को कथंया मिसा हिंसा,हत्या व दण्डहिनताया अन्त्य यायेगु लागि उगु आन्दोलित यायेत्यःगु खःं । थुगु आन्दोलनया आमनागरिकयात ब्बति कायेत इनाप याःगु दु । उगु मार्च वसन्तपुर जुया न्यूरोड, रत्नपार्क व भद्रकाली जुया सिंहदरबार मूलगेटय् वना सभाय् हिलिइ । उकिइ मिसा व  मिजपिन्स मिसा मुक्तिया नारा लगे याना न्ह्या वनिइ।

वृहत् नागरिक आन्दोलनया पाखे मोहना अन्सारी, अर्चना थापा, रिता शाह, रिता परियार, प्रणेता, प्रणिका कोयु, प्रकृति भट्टराई, कैलाश राई व दोभान राईपिन्स मिसा मार्चया मंकाः इनाप याःगु दु ।

Categorized in राष्ट्रिय